Lionel Messi da Ronaldo sun sake Kafa tarihi a duniyar kwallon kafa a nahiyar Turai

Lionel Messi ya yi murnar kafa tarihin buga wasanni 768 a Barcelona tare da zura kwallaye biyu a wasan da kungiyar ta doke Real Sociedad da ci 6-1 a gasar La Liga a ranar Lahadi da ta gabata.Yanzu haka Messi ya sha gaban tsohon dan wasan tsakiya na Barcelona wato Xavi wajen yawan wasanni a Camp Nou, inda ya ba shi tazarar wasa guda kawai.

Ɗan wasan gaba na  kungiyar kwallon  kafa na Juventus, Cristiano Ronaldo, ya sake nuna bajinta a karawar tawagarsa da kungiyar Spezia a ranar Talata karkashin gasar Serie A ta Italiya inda ya ingiza tawagar tasa ta yi nasara da kwallaye uku da nema.

Dan wasan na Portugal da ya taba buga wasa a kungiyoyin Manchester United da Real Madrid bajintar da ya sake nunawa a wannan kaka, ta mayar da shi dan wasa daya tilo da ya iya zura kwallaye 20 ko fiye cikin kowacce kakar wasa a manyan gasannin Turai guda biyar cikin shekaru 12 da suka gabata.

Neymar Dan kwallon Brazil ya bayyana cewa yayi matukar bakin ciki da aka tabbatar da cewa ba zai fuskanci tsohuwar kungiyarsa ta Barcelona ba a wasa na biyu na zakarun Duniya (Champions League) a Faransa.